Zogos dhe Kallaku në formacionin më të mirë të javës së tretë të Superiores

Për performancën në fitoren 3-1 ndaj Laçit në transfertë, Vasilis Zogos dhe Sherif Kallaku janë përzgjedhur në formacionin më të mirë të javës së tretë të Superiores.

Zogos zhvilloi një paraqitje të rëndësishme në repartin difensiv, duke bërë diferencën me ndërhyrjet e tij. Ndërsa në mesfushë shkëlqeu Kallaku, i cili realizoi një gol dhe dha një asist. 28-vjeçari, i zgjedhur edhe si lojtari i ndeshjes, u përzgjodh nga Drejtoria Teknike e FSHF-së në formacionin e javës.

Formacioni më i mirë i javës së tretë:

Në portë: Mario Dajsinani

Mbrojtja: Andrey Yago (Egnatia), Dion Vata (Partizani), Vasilis Zogos (Teuta), Usni Ismaili (Dinamo City)

Mesfusha: Sherif Kallaku (Teuta), Malomo (Dinamo City)

Sulmi: Fadairo (Partizani), Albanese (Egnatia), Hazrollaj (Tirana)

Qendërsulmues: Tomislav Kis (Tirana)

Trajneri më i mirë i javës së tretë është përzgjedhur Florin Bratu i Partizanit.