Teuta përforcohet në sulm me portugezin Pedro Martelo

Teuta përforcohet në sulm me futbollistin Pedro Martelo. Sulmuesi i talentuar është formuar si futbollist në akademitë e Benficës dhe Deportivo La Coruñas dhe vjen në Durrës me një eksperiencë të konsiderueshme.

Në sezonin e fundit, 26-vjeçari veshi fanellën e Oliveirense në Ligën e Dytë portugeze. Në 33 ndeshje, ai kontribuoi me 7 gola dhe 4 asiste, duke grumbulluar në total 1,632 minuta aktivizim.

Gjithashtu, qendërsulmuesi ka përfaqësuar edhe kombëtaret U-19 dhe U-20 të Portugalisë, ku ka realizuar 7 gola në 12 ndeshje me ekipin U-20.

Pedro Martelo luan në qendër të sulmit dhe pritet të jetë një vlerë e shtuar për ekipin e drejtuar nga Edlir Tetova. /kfteuta.al/