Erisjon Balla

Erisjon Balla është një mbrojtës 19-vjeçar, produkt i akademisë sonë, i cili ka bërë hapin e rëndësishëm drejt futbollit profesionist duke u bashkuar me ekipin e parë. Puna e palodhur, përkushtimi dhe rritja e vazhdueshme në fushë e kanë bërë atë një prej emrave më premtues të brezit të ri.

I pozicionuar natyrshëm si mbrojtës, Ersi shquhet për qëndrueshmërinë në duele, leximin e mirë të lojës dhe qetësinë në situata presioni. Aftësitë e tij taktike dhe disiplinimi në stërvitje e kanë bindur stafin teknik për t’i dhënë një mundësi në nivelin më të lartë të garës.

Debutimi në ekipin e parë është vetëm fillimi për Ersin, ndërsa klubi beson fuqishëm në potencialin e tij për të ndërtuar një karrierë të suksesshme dhe për të kontribuar në objektivat e skuadrës.